Maqedoni

1.4 milion qytetarë të Maqedonisë mund të marrin shtetësi bullgari (?!)

E mërkure 25 Gusht 2010 11:59

Bullgaria mund t’iu jap afro tre të katërtës së popullatës së Maqedonisë shtetësinë e saj, shkruajnë mediat franceze.

Sipas të së përditshmes “Le figaro’, në numrin e saj të 11 gushtit të këtij viti, rreth 1.4 milion qytetarë të Maqedonisë do të mund të përfitonin pasaporta të Bullgarisë.

“Sipas disa historianëve Maqedonia përbëhet nga pjesë të kombit bullgar. Gjuha maqedonase thuhet të jetë asgjë tjetër vetëm një dialekt bullgar,” shkruan autori i shkrimit Arielle Thedrel.

Ndërkohë sipas autoriteteve bullgare numri i qytetarëve të Maqedonisë të cilët kanë marrë pasaportineBullgarisë këtë vit ka arritur në 7201.

Për të marrë shtetësinë e Bullgarisë, banorët e Maqedonisë me origjinë bullgare mjafton vetëm ta deklarojnë atë dhe jo edhe ta dëshmojnë./Zhurnal/