Kosovë

18 aksidente trafiku vetëm gjatë 24 orëve të fundit

Të lënduarit janë nga komunat; 1 nga Malisheva, 1 nga Gjakova, 1 nga Peja, 3 nga Skënderaj, 1 nga Prishtina, 9 nga Fushë-Kosova dhe 1 nga Drenasi.

E enjte 11 Mars 2010 14:35

Si pasojë e reshjeve të borës, vështirësive në komunikacion dhe ngricave, janë shtuar rastet e aksidenteve në trafik. Vetëm në 24 orët e fundit, në Qendrën Emergjente të QKUK-së, ka pasur 18 raste që kanë kërkuar ndihmën mjekësore, si pasojë e aksidenteve në trafik, thuhet në një komunikatë të lëshuar nga QKUK. Të lënduarit janë nga komunat; 1 nga Malisheva, 1 nga Gjakova, 1 nga Peja, 3 nga Skënderaj, 1 nga Prishtina, 9 nga Fushë-Kosova dhe 1 nga Drenasi.
Të gjithë të aksidentuarve u është dhënë ndihma shëndetësore nga ekipi i mjekëve kujdestar në Qendrën Emergjente të QKUK-së. Pas ndihmës së parë mjekësore, disa nga të lënduarit janë transferuar për mjekim të mëtejmë në repartet dhe klinikat tjera të QKUK-së, thuhet në këtë komunikatë të QKUK-së. Muajve të fundit, janë shtuar rastet e aksidenteve. Në muajin janar, ka pasur 312 raste që kanë kërkuar ndihmën si pasojë e aksidenteve në trafik, përderisa në muajin e shkuar ka pasur 299 raste.
QKUK-ja, përkatësisht Qendra Emergjente e QKUK-së, apelon tek të gjithë qytetarët e Republikës së Kosovës, që të jenë shumë të kujdesshëm gjatë vozitjes në komunikacion, në mënyrë që mos të vie deri tek aksidentet.