Kosovë

Aksident në Kalimash, 2 kosovarë të vdekur e 2 të plagosur

Një aksident i rëndë u ka marrë jetën dy kosovarëve në orët e mbrëmjes së djeshme, në Kalimash të Kukësit.

E marte 31 Gusht 2010 9:49

Ngjarja ndodhi për shkak të përplasjes së automjetit të tyre, një fuoristradë me targa kosovare, me një kamion të parkuar në korsinë e emergjencës. Nga aksidenti kanë gjetur vdekjen e menjëhershme nënë e bir, Ganimete dhe Olsi Sadedini, 35 dhe 4 vjeç. Viktimat ishin nga Gjilani i Kosovës.

Ata udhëtonin së bashku me dy pjesëtarë të tjerë të familjes, Ganimet Sabedini dhe vajza e tij Olta Sadedini, të cilët kanë mbetur të lënduar në aksidentin që ndodhi rreth 2 kilometra para hyrjes së tunelit të Kalimashit. Dy të plagosurit janë në Spitalin e Kukësit dhe ndodhen jashtë rrezikut për jetën.

Sipas policisë, shkak i aksidentit ka qenë humbja e kontrollit te fuoristradës dhe futja e saj në korsinë e emergjencës. Për pak kohë autostrada Durrës-Kukës është bllokuar si pasojë e këtij aksidenti të rëndë, por me ndërhyrjen e uniformave blu, trafiku është zhbllokuar./alsat/

Komentet

Ky artikull eshte komentuar 1 here

bavdiu E marte 31 Gusht 2010 10:13
Ne pergjithesi drejtuesit e automjeteve ne Shqiperi jane te pakujdesheshem e per kete si duket i kemi marr lakmi. Po cka po nguteni se mberrini boll. Ja keshu dite per dite degjojm per humbje jete dhe kjo jo qe nuk i ben njerzit te arrijn me shpejt, por qe te mos arrijne me kurr.

Repliko

Emri:

Komento:

JU KANE MBETUR EDHE 800 KARAKTERE