Kosovë

Alenca Kuq e zi: “Sali Berisha po e shet kombësinë shqiptare”

E marte 7 Shkurt 2012 15:48

 

I menjëhershëm ka qenë reagimi “Aleancës Kuq e Zi” pas nismës së kryeministrit Sali Berisha për ndryshimin e ligjit për shtetësinë, ku sipas këtyre ndryshimeve çdo person që investon mbi 100 mijë euro mund të marrë nënshtetsin shqiptare.

“Aleanca Kuq e Zi kundërshton fort dhe hapur nismën e Kryeministrit Sali Berisha për ndryshimet në ligjin për kombësinë, përkatësisht nismën e tij personale për shitjen e kombësisë shqiptare për këdo shtetas të huaj që vjen dhe investon në vendin tonë shumën minimale prej 100 mijë euro. Aleanca Kuq e Zi shprehet kundër këtij projekt/ligji pasi ai diskriminon shqiptarët e Kosovës, Maqedonisë, Malit të Zi dhe Luginës së Preshevës të cilët duhët të ndjekin një procedure 5 vjeçare në prijtje për të marrë shtetësinë shqiptare, ndërkohë që kryeministri ja ofron këtë shtetësi nje afgani, iraniani, kinezi apo rusi vetëm për 100 mijë euro.”, thuhet në reagimin e Aleancës.

“Aleanca Kuq e Zi deklaron së ky projekt/ligj e kthen marrjen e shtetesisë shqiptare në pazar të hapur për këdo që në vendin orgjiniës së tij mund të ketë probleme të gjithëshfarëdoshmë nga ato sociale dhe kriminale, i cili do të kishtë mundësinë të maskohej dhe fshihej për vetëm 100 mijë euro. Ky projekt/ligj lë shkas për përfitime nga elementë kriminal. Aleanca Kuq e Zi thekson se prioritet në ligjin për shtetesinë shqiptare duhet të ketë origjina e aplikanteve dhe jo parat e investitoreve të përkohshëm, ndaj AK propozon që ky projekt/ligj t’i nënshtrohet debatit publik dhe trasnparanent përpara se të nisi zbatimin, pasi efektet duhet të parashikohen përpara zbatimit. Aleanca Kuq e Zi me keqardhje konstaton se problemet ekonomike që po hasen në shoqërinë shqiptare nuk mund të zgjidhen duke shitur pasaportën shqiptare për 100 mijë euro”, përfundon reagimi.