Maqedoni

Ambasadori shqiptar takime me krerët fetar

E enjte 16 Shkurt 2012 9:58

Ambasadori i Republikës së Shqipërisë, Arben Çejku po zhvillon takime me komunitetet fetare në Maqedoni.

Këto takime vijnë pas zhvillimeve të fundit dhe tensioneve në planin ndëretnik dhe ndërfetar në Maqedoni.

Ambasadori Çejku dje zhvilloi takim me kreun e Kishës Ortodokse Maqedonase, ku kanë biseduar lidhur me zhvillimet e fundit, qëndrimet e KOM lidhur me problemet ndëretnike por edhe për harmoninë ndërfetare, informon agjencia e lajmeve INA.

Në këtë takim ambasadori shqiptar i ka përcjellë kreut të KOM-it, Z.Stefan qëndrimin e Qeverisë shqiptare që dënoi incidentet dhe tensionet e fundit në Vevçan dhe Labunishtë.

Ai ka apeluar që Maqedonia ti kthehet kursit evroatlantik dhë në këtë frymë të tejkalojë këto zhvillime që rrezikojnë të rrënojnë harmoninë ndërfetare dhe ndëretnike. Çejku gjithashtu ka përcjellë porosinë për një bashkëpunim më të mirë me Kishës Ortodokse Shqiptare, përmes forcimit të dimensionit kulturor, takimeve dhe seminareve të përbashkëta.

Ambasadori shqiptar sot do të vijojë takimet e tij me krerët fetar, duke u takuar me kreun e Bashkësisë Fetare Islame në Maqedoni, Sulejman Rexhepi. (INA)