Maqedoni

Arrestohet Lirim Jakupi-Nazisti

Policia e Kosovës ka bërë të ditur se ka arrestuar Lirim Jakupin, i njohur me nofkën “Nacisti”.

E hëne 6 Shtator 2010 11:29

Ai është arrestuar të dielën në banesën e tij në rrugën “Bajram Bahtiri” nga ana e pjesëtarëve të departamentit kundër Krimit të Organizuar të Policisë së Kosovës, me përkrahjen e pjesëtarëve të Njësitit Special Intervenues.

Me urdhër të prokurorit, të dyshuarit i është caktuar masa e ndalimit policor për 48 orë, deri në vazhdimin e procedurave të tjera gjyqësore.

Gjatë aksionit, policia ka gjetur dhe ka konfiskuar dy granata dore, një armë automatike AK-47, me katër karikatorë, dhe dy revole të tipit TT.

Lirim Jakupi kërkohej edhe nga policia e Maqedonisë, sepse dyshohej se ka marrë pjesë në aksionin kundër policisë Brodec të Tetovës në vitin 2007, ndërkohë që në vitin 2004, është plagosur në një aksion tjetër të policisë kundër tij, por Nacisti ka arritur që të ikë.

Lirim Jakupi ka qenë në mesin e shtatë të burgosuve që ishin arratisur nga burgu i Dubravës, më 18 gusht të vitit 2007. / Zhurnal /