Kulturë

Avatar “fundos” Titanikun

E hëne 25 Janar 2010 20:45

Titanic “fundoset” nga Avatar pas rreth 15 viteve në vend të parë të arkëtimeve të gjithë historisë. Realizimi më i fundit i James Cameron ka thyer rekordin e arkëtimeve duke marrë vendin e parë të klasifikimit.

Lajmin e bën të ditur shtëpia kinematografike “20th Century Fox” që ka ekskluzivitetin e shpërndarjes së filmit.

“Jemi përballë historisë” shprehet Paul Dergarabedian, i cili flet për filmin që ka kushtuar plot 237 milionë dollarë.
Në 6 javë, Avatar ka arkëtuar 1.841 miliardë dollarë në gjithë botën, ndërsa Titanic e mbante rekordin me 1.843 miliardë. Në SHBA dhe Kanada janë arkëtuar 552 milionë, por pritet që suksesi të vazhdoje pasi filmi do të transmetohet edhe përgjatë dy javëve.

Vetëm gjatë fundjavës, Avatar ka arkëtuar 107 milionë në kinematë ndërkombëtare. Vendin e parë në Europë e mban Franca, ndërsa më pas vijnë Gjermania, Rusia dhe Britania e Madhe. /koha/

Komentet

Ky artikull eshte komentuar 1 here

Artani Tiranë E marte 26 Janar 2010 17:45
Nuk dua të bëj nihilistin, por nuk eshte mire të heshtësh, as në mënyrë me naive ndaj një fenomeni propagandistik, gjithsesi të tërthortë, që bëhet nëpërmjet këtij filmi artistikë për të rritur dhe atyre vizatimorë për fëmijë, ku elementë të idhujtarisë, në formën e animizmit apo panteizmit, shfaqen dukshëm pozitivisht në këto filma, por njëkohësisht edhe si të vërteta, të cilat të kontaktuara nga njerëz me kulturë që trashëgojnë një fe hyjnore nuk hasin asnjë lloj rezistence, përkundrazi respektohen, simpatizohen apo edhe përqafohen prej këtyre njerëzve modernë, zotërues të teknologjisë, por që na zbulojnë neve, se janë të zbrazët nga ana shpirtërore.Keshtuqe AVATAR nuk eshte gjë tjeter përveç se një copë akulli para TITANIKUT dhe që çahet lehtë nga ai

Repliko

Emri:

Komento:

JU KANE MBETUR EDHE 800 KARAKTERE