Shqipëri

Basha takon zv/ndihmëssekretarin amerikan të Shtetit

Uashington – Gjatë qëndrimit në Shtetet e Bashkuara, kryetari i Bashkisë së Tiranës, Lulzim Basha, zhvilloi një takim në Departamentin e Shtetit me zëvendës Ndihmëssekretarin e Shtetit për Evropën Philip Reeker.

E marte 31 Janar 2012 10:49

Patëm një ditë të këndshme për të ndarë eksperiancat dhe jam i bindur se do të kemi takime të tjera të vlefshme. Basha është këtu dhe pres ta takoj sërish atë kur unë të vizitoj Tiranën”, ka thënë Reeker.

Gjatë bisedës, Basha e ka njohur zotin Reeker me projektet e tij në krye të Bashkisë për ta bërë Tiranën një qytet atraktiv për investime. Ai shtoi se qëllimi i vizitës së tij është të prezantojë potencialet që ofron Tirana për investime por edhe lehtësitë që ofron Bashkia për ata që zgjedhin Tiranën si destinacion të planeve të tyre të investimit. Tirana, theksoi Basha në këtë takim, mirëpret investitorët amerikanë në përpjekjen për një Tiranë të shekullit të 21.

Kësaj i shërben, sipas Bashës, edhe angazhimi i ekspertëve më të mirë të urbanistikës për Planin Urbanistik por edhe për projektet strategjike si zgjatimi i bulevardit, konkursi për projektin e të cilit zhvillohet me 9 mars apo projekti i Tramit, rehabilitimi i Lumit të Tiranës etj. Reeker ka vlerësuar projektet e zotit Basha si dhe prioritetin e tij për një Tiranë të zhvilluar si kusht për mirëqenien e qytetarëve të saj. /Start/