Shqipëri

Berisha: Program fiskal deri në 2014, Rama taksë marksiste

E mërkure 1 Shkurt 2012 13:29

 

Projekti i paraqitur rreth dy vite më parë i njohur “Brain Gain”, për kryeministrin Sali Berisha, ishte një projekt i suksesshëm.

Megjithatë, ai kërkoi nga universitetet publike por edhe ato jo të tilla që të bëjnë përpjekje për të thithur trurin në vend, qoftë edhe në kohë të pjesshme ose online. “Është e domosdoshme që të gjitha universitetet e vendit të ndërmarrin një përpjekje të re të madhe për thithjen e trurit të shqiptarëve të cilët pavarësisht se ku kanë lindur. Është e domosdoshme angazhimi i tyre online ose part-time kur ata nuk mund të vijnë. Ftesën e tyre për të marrë pjesë në programe të caktuara. Ka shumë prej tyre që punojnë në agjencitë më serioze dhe një pjesë e këtyre punimeve janë për t’iu shtuar aspekteve të zhvillimit të Shqipërisë”, theksoi Berisha. Ai kërkoi

 

Taksa progresive, Rama e ka nga inati

Në mbledhjen e qeverisë, Berisha foli edhe për programin dyvjeçar ekonomik-fiskal, që do të ndërmerret, i cili shkon deri në vitin 2014. Sipas kryeministrit, vitin e ardhshëm shqiptarët do të kenë mundësi të votojnë për këtë program që rrit punësimin dhe rrogat. “Dy aspekte shoqërojnë këtë program: rritja e rrogave dhe ulja e papunësisë. Ndaj le t’i lëmë z. Rama modelin taksist të taksimit dhe të vazhdojmë me modelin e lirisë që e bëri Shqipërinë me një model ekonomik të qëndrueshëm”, theksoi.

Duke folur për taksën progresive, kreu i qeverisë tha se ajo është një taksë marksiste që e frymëzon Ramën. “Platforma e shokut Rama me taksën marksiste me fidelët e tij, është i tëri i motivur nga ndjenja personale, nga atavizma të klithmës së të parëve. Ai kalon nga marrëzia në marrëzi, nga një milion të papunë, tek taksa marksiste. Ne këtë program të dy viteve të para të mandatit që vjen, jo vetëm që nuk parashikojmë rritje të taksave, por parashikojmë rritje të rrogave, të pensioneve dhe ndihmës ekonomike”, tha ai. /Start/