Sport

Blatter: Situatë e paimagjinueshme që nuk duhej të ndodhte

Presidenti i FIFA-s, Sepp Blater, është shprehur i tronditur dhe i zemëruar me atë që ka parë dhe dëgjuar në Egjipt.

E enjte 2 Shkurt 2012 10:51

Në një ndeshje futbolli në në mes të dy skuadrave Al-Masry dhe Al-Ahly, ka ndodhur një përleshje në mes të tifozëve të dyja klube. Siq raporton BBC-ja deri tani janë raportuar mbi 70 veta të vdekur dhe qindra tjera të lënduar.

Për tragjedin në Egjipt është shprehur edhe presidenti i FIFA-s Sepp Blater, i cili është shprehur se është i tronditur nga ajo që ka ndodhur në Egjipt. “Unë jam shumë i tronditur dhe i zemëruar që sonte kuptoj se një numër i madh i tifozëve të futbollit kanë vdekur ose janë lënduar pas një ndeshje në Port Said, Egjipt”, ka thënë Blatter në një deklaratë për faqen e FIFA-s.

Më tej Blater u ka shpreh ngushllime familjeve të atyre që kanë humbur jetën duke thënë se kjo është një ditë e zezë për futbollin. “Ju shpreh ngushëllime familjeve të atyre që humbën jetën këtë mbrëmje. Kjo është një ditë e zezë për futbollin. Një situatë e tillë katastrofike është e paimagjinueshme dhe nuk duhet të ndodhë”, ka thënë Sepp Blater./mesazhi/A.Bilalli/