Shqipëri

Brace: Qeveria nuk bën transparencën

Deputeti socialist Erjon Brace deklaroi se qeveria refuzon transparencën për pasuritë publike, ndërsa akuzoi politikanët në pushtet për përfitime.

E mërkure 1 Shtator 2010 14:28

Brace deklaroi se në vitin 2007, deputetja Albana Vokshi, asokohe në cilësinë e anëtarës së Këshillit Mbikëqyrës të kompanisë 'Albpetrol' ka shkelur ligjin duke favorizuar partnerin e saj Arjan Tartari dhe duke i dhënë kompanisë së tij "Stream Oil' 4 kontrata.

Sipas Braces 4 marrëveshjet e hidrokarbureve u miratuan nga qeveria, duke i vënë në dispozicion kompanisë "Stream Oil', 4 nga 6 vendburimet e naftës në vend.

Deputeti pohoi se ka dorëzuar në prokurori dokumenta dhe fakte që vërtetojnë deklaratat e PS-së për shkeljet me koncensionet në fushën e naftës./top-channel/