Shqipëri

Bulqizë, adoleshenti vret një 22-vjeçar, plagos një tjetër

Bulqizë -– Një krim i rëndë u regjistrua mbrëmjen e shkuar në Bulqizë, ku ka humbur një shtetas dhe ka mbetur i plagosur një tjetër.

E enjte 26 Janar 2012 10:15

Policia lokale bëri me dije se një 17-vjeçar ka qëlluar me thikë dy shtetasit.

Për pasojë, ka gjetur vdekjen shtetasi Elton Koçi, 22-vjeç nga qyteti i Bulqizes, i cili si pasojë e plagëve te marra ka humbur jetën. Ndërkohë, nga sulmi agresive ka mbetur i plagosur rendë shtetasi A.Sulku, 21-vjeç, nga qyteti i Bulqizës, i cili tashmë ndodhet jashtë rrezikut për jetën.

Policia ka arrestuar në orët e hershme të mëngjesit, adoleshentin D. Tasha, 17-vjeç, banues po në Bulqizë. Ky shtetas dyshohet se është autor i ngjarjes së mbrëmshme, ku ka qëlluar me thikë dy shtetasit e mësipërm, teksa njërit i ka shkaktuar vdekjen.

Mësohet se konflikti për motive banale ka ndodhur në një bilardo të qytetit. Në cilësinë e provës materiale është sekuestruar një thikë të cilën autori dyshohet ta ketë përdorur në momentin e ngjarjes. Shtetasi i arrestuar është marrë në pyetje në prani të mbrojtësit ligjor dhe të një psikologu. Materialet procedurale i kaluan Prokurorisë se Rrethit Gjyqësor Dibër për veprime të mëtejshme. /S.Ll/Start