Sport

Capello, fajtor për dështimin e Anglisë

E enjte 26 Gusht 2010 9:02

Jose Mourinho ka deklaruar se kombëtarja e Anglisë nuk do të arrijë rezultate të mira derisa të udhëhiqet nga Fabio Capello.

Trajneri i Realit theksoi se lojtarëve të Ishullit i duhet taktika e qartë, që italiani nuk mund t’ia ofrojë.

“Problemi (i botërorit zhgënjyes të Anglisë) është trajneri”, është shprehur Mourinho për Daily Telegraph.

“Ka vetëm një mënyrë për të krijuar marrëdhënie me futbollistët. Mjafton të pyesësh këtu tek Reali i Madridit. Ai nuk di të ndryshojë. Nuk mundet të bërtasësh gjatë gjithë kohës, futbollistët duhet të ndihen të veçantë. Për mua është e qartë se Capello nuk do të marrë asgjë në drejtimin e kombëtares angleze”, theksoi Mourinho./koha/