Sport

Conte: Ndeshja e kthimit do të jetë e vështirë

Trajneri i Juventusit, Antonio Conte, përkundër fitores në ndeshjen e parë ndaj Milanit, është shprehur se asgjë nuk ka përfunduar dhe se ndeshja e kthimit do të jetë e vështirë.

E enjte 9 Shkurt 2012 15:53

Juventusi mposhti si mysafir Milanin me rezultat 2-1, dhe kështu është një hap larg finales së Kupës së Italisë. Trajneri i Juventusit, Antonio Conte, ka deklaruar pas takimit se përkundër fitores, Juventusin e pret një ndeshje e vështirë, ajo e kthimit që do të zhvillohet në “Juventus Stadium”. “Ndeshja është ende e hapur pasi Milani është një ekip i mirë që ende ka diçka për të thënë. Ne parashikojmë një ndeshje të vështirë të kthimit, për të siguruar vend në finale”, ka deklaruar Conte.

Conte ka lavdëruar edhe paraqitjen e lojtarëve të tij, si dhe të atyre të sapoardhur në klubin bardhezi. “Jam i impresionuar me reagimin e çdo lojtari i cili doli në fushë në një ndeshje aq të rëndësishme sa kjo. Skuadra reagoi mirë ndaj asaj çfarë unë kërkova nga ta. Përveç rezultatit, prezantimi i lojtarëve të rinj po ashtu ishte i rëndësishëm dhe ata luajtëm mirë”, ka shtuar Conte./mesazhi/A.Bilalli/