Sport

Deshamp e dëshiron Del Pieron te Marseja

Trajneri i Marsejes, Didier Deshamp, ka deklaruar se ai është i gatshëm ta transferoi italianin në klubin e tij Marsej.

E hëne 20 Shkurt 2012 11:47

Në prag të ndeshjes Marsej-Inter në Champions League, trajneri i Marsejës, Didier Deshamp, ka folur për sfiden me italianët por edhe për ish-bashkëlojtarin e tij, Alesandro Del Piero.

Për Del Pieron, Deshamp ka shprehur dëshirën që “Pinturikjo” të transferohet në Francë tek Marseja që ai drejton. “Nëse Alex zgjedh Marsejën, unë do ta pres me krahë hapur. Ai është një burrë i madh dhe një kampion i madh që pata fatin të luaj me të”, ka thënë Deshamp.

Deshamp më tej ka folur edhe për sfiden me Iterin, duke thënë se Interi nuk është ai me Bolonjën që në fundjavë humbi 3-0. “Unë nuk i besoj atij Interi që pashë ndaj Bolonjës. Lojtarët e Interit mund të vendosin takimin në cdo moment”, ka deklaruar Deshamp./mesazhi/A.Bilalli/