Maqedoni

Foto ilustrim

Do të bojkotohet gjeografia që i fyen shqiptarët

Shkollat e mesme shqipe në Maqedoni kanë vendosur që ta bojkotojnë librin e gjeografisë për vitin i dytë pasi që ai është i stërmbushur me gabime dhe të pavërteta për popullin shqiptarë.

E marte 31 Gusht 2010 17:06

Edhe pas protestave të vazhdueshme të shqiptarëve, për tërheqjen nga përdorimi të teksteve shkollore që kanë përmbajtje të papranueshme për ta, Ministria e Arsimit e Maqedonisë ka vendosur që edhe këtë vit disa prej tyre të mos ndryshojnë.

Ministri i Arsimit, Nikola Todorov deklaroi se libri i gjeografisë për nxënësit e vitit të dytë të shkollës së mesme nuk do të tërhiqet.

“Viti shkollor fillon të mërkurën më 1 shtator, ashtu si çdo vit. Do të mësohet me librat që janë përdorur para tre ose pesë viteve”.

Në librin e Gjeografisë thuhet në një kapitull të veçantë se "shqiptarët e Maqedonisë janë maqedonas të islamizuar". “Në këtë libër gjithashtu theksohet se shqiptarët e Maqedonisë kanë ardhur në Maqedoni para 220 vjetësh” dhe se “vendosja e tyre nga Shqipëria dhe Kosova akoma vazhdon, edhe pse është e rrezikshme për Maqedoninë”. /Telegrafi/