Shëndetësi

Doni të jeni të shëndetshëm? Thojani eprorit gabimet në fytyrë

E mërkure 27 Janar 2010 21:10

 

Në emër të shëndetit tuaj tregojani drejtorit gabimet e tij në fytyrë. Është pohuar se tregimi i mendimeve tuaja në lidhje me drejtorin në mënyrë të drejtpërdrejtë është i dobishëm për shëndetin dhe ndihmon në përmirësimin e personalitetit të drejtorit. Në studimin e paraqitur në konferencën e Shoqatës së Psikologjisë Angleze u theksua se për të pasur nëpunës të lumtur, të shëndetshëm dhe pa stres, duhet t’u jepet mundësia e vlerësimit të drejtorit të tyre.

Shkencëtarët të cilët u morën me këtë studim ndanë në dy grupe 150 persona të një shkalle të lartë. Grupi i parë mori informacion dhe analiza nga punonjësit ndërsa grupit të dytë nuk iu tha asgjë. Nga ky eksperiment u pa se drejtorët të cilët pranojnë këshilla janë më të prirur të ndryshojnë mënyrat e të drejtuarit dhe kanë aftësi më të mira perceptuese.

Një nga studiuesit e eksperimentit, Emma Donaldson-Feilder, bëri të ditur se sinqeriteti dhe guximi të mbron nga stresi, ndërkohë që ky i fudnit është shkaktar i shumë pasojave fiziologjike dhe psikologjike si ankthi, depresioni dhe tensioni i lartë.

Donaldson-Feilder theksoi se stresi është një nga shkaktarët kryesorë të sëmundjes dhe rritja e presionit ndaj nëpunësve në vendet e punës do të dëmtojë si punonjësit ashtu dhe kompaninë. /gazeta start/