Rajon dhe Botë

Erdogan i përgjigjet shkrimtarit Paul Auster

E premte 3 Shkurt 2012 10:48

Në fjalën e tij të mbajtur para grupin parlamentar të partisë për Drejtësi dhe Zhvillim, Erdogani i ironizoi fjalët e Auster, duke u shprehur:”Ai refuzoka vizitën në Turqi për shkak të gazetarëve të burgosur... Për të njëjtin shkak ka refuzuar dhe vizitën në Kinë... Të mjerët ne! Pash Zotin na vizito! Jemi shumë të nevojshëm për një vizitë tënden!”

Pas këtyre fjalëve ironizuese, Erdogani shtoi:”Ky shkrimtar ka vizituar Izraelin në vitin 2010, me pretekstin se është një shtet demokratik dhe laik. Ah çfarë injoranti! Si nuk e ditka që Izraeli është një shtet me baza fetare?! Një pyetje tjetër që i duhet ta dijë është: A nuk është Izreeli, shteti demokratik, ai që e mbyti Rripin e Gazzës me bomba?! Kush i përdori bombat fosforike kundër civilëve të pafajshëm?! A nuk është kjo shkelje e të drejtave të njeriut?!”

Mandej, kryeministri turk sqaroi se gazetarët e arrestuar, nuk qëndrojnë pas hekurave për shkak të mendimeve dhe kritikave të tyre, por për shkak se dyshohen se i përkasin një organizate të paligjshme. Ai shtoi:”Ne nuk mund të bëjmë diskriminime thjesht sepse dikush është gazetar. Unë i ftoj tëgjitha organizatat mediatike që bëjnë investigimet e tyre lidhur me gazetarët e arrestuar.” /ardhmeriaonline/