Rajon dhe Botë

Eshton: Jam optimiste për bisedimet izraelito-palestineze

E premte 27 Janar 2012 10:56

Shefja për politikë të jashtme e Bashkimit Evropian, Kethrin Eshton, tha se nuk beson që bisedimet ndërmjet izraelitëve dhe palestinezëve kanë arritur “një fund të vdekur”.

Komentet e saj vijnë pas deklaratave të palestinezëve, sipas të cilave, përpjekjet për bisedime me izraelitët kanë përfunduar pa ndonjë përparim.

Dy palët kanë realizuar pesë takime në Jordani që nga fillimi i këtij viti, për të shqyrtuar mënyrat e rikthimit të negociatave formale për paqe, që u ndërprenë në fund të vitit 2010.

Eshton, duke folur pas takimit me presidentin e Autoritetit Palestinez, Mahmud Abas, në Aman, tha se “Abas ka menduar me kujdes se si të shkojë përpara”.

Kryediplomatja e BE-së, e cila ka takuar edhe kryeministrin izraelit, Benjamin Netanjahu, gjatë kësaj jave, tha se shpreson se, “me vullnetin e të dyja palëve, bisedimet do të mund të vazhdojnë”.

Izraeli ka pushtuar Jerusalemin Lindor në luftën e vitit 1967, por bashkimin e tij me Izraelin, bashkësia ndërkombëtare nuk e ka miratuar kurrë.

Palestinezët dëshirojnë që kjo pjesë e Jerusalemit të jetë kryeqendër e shtetit të tyre të ardhshëm./ora/

Komentet

Ky artikull eshte komentuar 1 here

ibra presheve E shtune 28 Janar 2012 19:21
qy qy paska optimizem per keto bisedime cnnncncnnc qe qe 45 vjet ata i vrasin e rrehin e keta mundohen me mbijet a kjo paska optimizem ..ncncncnncncnc

Repliko

Emri:

Komento:

JU KANE MBETUR EDHE 800 KARAKTERE