Shqipëri

Fajon: Vizat, sigurisht hiqen brenda këtij viti

Heqja e vizave do të bëhet realitet brenda këtij viti.

E premte 3 Shtator 2010 17:51

Punët po shkojnë mirë në këtë drejtim dhe Shqipëria së bashku me Bosnjën do të përfitojnë nga ky proces brenda pak muajsh. Më 13 shtator, Komisioni i Çështjeve të Brendshme në KE do të kalojë për votim raportin e Tanja Fajon. Më pas, vendimi pritet të kalohet për miratim në fillim të tetorit, sipas të gjitha gjasave.

“Uroj qe shqiptaret të lëvizin lirshëm në BE në fund të këtij viti. Apelova që kjo gjë të ndodhë përpara Krishtlindjeve, e shpresoj te jete kështu. Shqipëria është teknikisht e gatshme. Komisioni Evropian tregoi se do të ndjekë nga afër procesin dhe më tej, pra nuk mbyllet këtu, kështu që lë të shohim”, ka deklaruar Fajon këtë të premte.

Ajo shtoi se priste që të gjitha punët e mbetura nga Shqipëria të përmbushen në kohë. “Unë pres që e gjithë puna për përmbushjen e kritereve teknike te jete plotësuar, që Shqipëria të ketë bërë gjithçka duhej, me qellim që ne të vijojmë procedurën bashkë me Këshillin, e të shohim sesi do te jetë humori dhe në Këshill që debaton në mes te shtatorit", tha Fajon./start/