Rajon dhe Botë

FAO: Ndalimi i eksporteve të grurit nuk sjell krizë

Plani i Rusisë për të vazhduar ndalesën për eksportin e grurit sjell destabilitet në treg, por nuk rrit rrezikun për përsëritjen e krizës së furnizimit me ushqime në vitet 2007-2008.

E shtune 4 Shtator 2010 14:18

Deklarata vjen nga ekonomisti i njohur i Organizatës së Kombeve të Bashkuara për Ushqimin dhe Bujqësinë (FAO), Abdolreza Abasijan. “E vërteta është se Rusia mendon për vazhdimin e ndalesës për eksport, por kjo përsëri nuk do të thotë se kriza do të mbërrijë”, tha Abasijan.

Kryeministri rus, Vladimir Putin, deklaroi para disa ditësh se ndalesa për eksport do të vazhdonte deri në fund të vitit 2011, çka habiti analistët e ekonomisë dhe shkaktoi shtrenjtimin e grurit në tregjet ndërkombëtare.