Francë: Muzeu i Luvrit, galeri të reja për artin islam

E shtune 7 Janar 2012 0:10

Sipas zyrtarëve të Luvrit, galeritë e reja përbëjnë risinë më të rëndësishme arkitektonike që nga ndërtimi i Piramidës prej qelqi 20 vjet më parë.

Projekti në fjalë nisi në vitin 1995, kur drejtuesit e muzeut vendosën të ndërtojnë një krah të tërë për të ekspozuar koleksionin e gjerë të objekteve historike, kulturore dhe artistike islame, që ata posedonin në oborrin Viskonti.

Deri tani, objektet e artit islam nuk kanë pasur ndonjë seksion të veçantë kushtuar vetëm atyre në muzeun e dytë më të vizituar të globit.

Koleksioni islam i Luvrit, edhe pse jo më i madhi, përbën ajkën e trashëgimisë së islame që lidhet me periudha të ndryshme. Galeritë e reja janë ndërtuar në një sipërfaqe prej 2800 metra katrorë.

Koleksioni i Luvrit është një nga më të pasurit në botë, me vepra arti që përfaqësojnë 11.000 vjet të qytetërimit dhe kulturës njerëzore./bs/