Kosovë

Fusnota s’e garanton BE-në

Formula që pritet të zyrtarizohet të martën në Bruksel, nuk ka kurrfarë garancie se do të pranohet edhe nga pesë vendet e BE-së që nuk e kanë njohur Kosovën.

E marte 21 Shkurt 2012 9:28

Deri më tash Kosova nuk ka mundësi të nënshkruajë marrëveshje me BE-në si organizatë për shkak se pesë vende anëtare të saj, Rumania, Greqia, Spanja, Qiproja dhe Sllovakia nuk e njohin Kosovën si shtet dhe për këtë shkak BE-ja detyrohet ta trajtojë vendin, raporton “Zëri”.

Kryeministri i Kosovës, Hashim Thaçi, të dielën përmes disa medieve ka thënë se ai është i gatshëm ta pranojë përfaqësimin e Kosovës në nisma rajonale duke e njohur edhe rezolutën e Këshillit të Sigurimit të OKB-së 1244.

Kjo rezolutë, në pikën 4 të saj e “konﬁrmon se pas tërheqjes, një numër i caktuar i personelit ushtarak serb e jugosllav do të lejohet të kthehet në Kosovë që të vazhdojë të luajë funksionet e saj në pajtim me aneksin 2”.

Me qëllim që të qetësojë reagimet e opinionit për këtë fakt, qeveria po mundohet të sqarojë se arritja e kësaj marrëveshje me Serbinë, i hap rrugë Kosovës që nga ai moment të nënshkruajë marrëveshje kontraktuale edhe me BE-në.

Burime të “Zërit” në Bruksel kanë thënë se mënyra se si do të paraqitet Kosova në forume rajonale nuk i rregullon edhe marrëdhëniet e BE-së me Kosovën.