Kupa Botërore 2010

Gjermania e Gana vazhdojnë, Australia e Serbia ngecin

E enjte 24 Qershor 2010 10:02

 

Gana me gjithë humbjen është kualifikuar edhe më tutje, duke iu falënderuar fitores së Australisë, ku edhe u rendit e dzta në grup.

Në pjesën e dytë të takimit, në minutën e 50-të Gana ka pasur rastin e qind për qind, por futbollisti Asamoah i vetmuar nuk arriti të mposhtë portierin gjerman, Neuer, i cili e ndali më këmbë. Futbollisti Ozil kur nuk arriti në pjesën e parë të shënoi gol nga një rast ideal, e bëri në pjesën e dytë.

Në minutën e 60-të, Ozil me dinakëri ka dërguar një gjuajtje sa të fortë aq edhe të saktë, duke e mposhtur në këndin e djathtë të epërm portierin e Ganës, Kingson dhe 1:0 për Gjermaninë. Pas një minute lojë, gati barazuan ganezët, kur futbollisti Tagoe gjuajti mjaft mirë me kokë, por shpëton porta gjermane.

Gjermania shkoi në të tetën e finales e cila takohet me Anglinë, ndërsa Gana ballafaqohet me Shtetet e Bashkuara të Amerikës.

Lajmi më i mirë i ditës së mërkurë padyshim është eliminimi i Serbisë nga Kampionati Botëror në futboll. Australia i shkeli me lojë dhe i mposhti me rezultat 2:1. Australia luajti për mrekulli në pjesën e dytë të takimit, duke e mos e lënë Serbinë të marrë frymë dhe e dërgoi edhe në shtëpi.

Pjesa e parë e takimit përfundoi me rezultat 0:0. Në pjesën e dytë të takimit, australianët luajtën shkëlqyeshëm, duke i shkaktuar humbje Serbisë.

Në minutën e 69-të, kryetrimi i golit të parë, Cahill, me kokë ka shënuar gol dhe sjellë në epërsi australianët me shifrat 1:0. Pas vetëm katër minutave lojë, pikërisht në minutën e 73-të, Holman ka shënuar për epërsinë 2:0. Epërsi që tmerroi serbët dhe që gjunjëzoi edhe nga botërori. Serbia shënoi golin e nderit në minutën e 84-të nëpërmjet futbollistit Panteliq. Australia dëshmoi se është kombëtare e fuqishme, por fatkeqësisht nuk arriti që të shkojë më tutje. Australia zë vendin e tretë me katër pikë, ndërsa Serbia e fundit me tri pikë./zëri/