Sport

Henry e pranon: Spanja favorite

Spanja i dha mbrëmë një mësim të mirë Francës së Tierry Henrysë, pasi e mundi 2-0 në miqësoren e fundit para Kampionatit Botëror 2010.

E premte 5 Mars 2010 9:31

Sulmuesi i Barcelonës, Henry ka pranuar supremacinë e kundërshtarit në sfidën e mbrëmjes së djeshme në “Stade de France”, duke e përcaktuar “Furinë e Kuqe” si skuadër nga një tjetër planet. “Spanja dhe Brazili janë favoritët absolutë për të fituar Kupën e Botës. Më kujtojnë Francën e dhjetë vjetëve më parë”, theksoi ish-kapiteni i Arsenalit.

“Dje pamë në fushë dy skuadra të ndryshme: njëra që është gati dhe i ka të gjitha mundësitë për të fituar Kampionatin Botëror dhe tjetra, që ka ende shumë punë për të bërë”, tha Henry./koha/