Sport

Ibrahimoviq në kërkim të Championsit!

Sulmuesi suedez i Milanit, Zlatan Ibrahimoviq viteve të fundit ka ndërruar ekipe vetëm për një arsye: për ta fituar Ligën e Kampionëve.

E mërkure 22 Shkurt 2012 19:41

U largua nga Ajaksi për te Juventusi i Capellos për të fituar Champions League, ngase kampionatin vendas e kishte fituar me Ajaksin në Holandë. Në Itali, Juve nuk e kishte problem Scudeton, por Champions League. Ibra jo që nuk e fitoi me Juven Championsin, por rrezikoi të luaj në Seria B, pasi Juve u përjashtua nga Seria A në rastin e Calciopoli.

Nuk pranoi të luaj në Seria B, mbeti në Seria A por me një klub tjetër, me Interin. Tri vite radhazi me Interin e fitoi Scudeton por jo dhe Championsin.

Nga Interi shkoi në Barcelonë, ku Barca ishte kampion Evrope. Por në vitin 2009 Championsin e fitoi Interi!

U largua nga Barcelona, për te Milani ngase Milani kërkonte sulmues për garat evropiane. Ibra erdhi në Milan për Champions, kurse Barca e fitoi atë!

Këtë vit Ibra është në rrugë të mirë me Milanin, të paktën për të kaluar në fazën tjetër, pasi kanë rezultat të mirë nga ndeshja e parë me Arsenali, 4-0 për Milanin./mesazhi/A.Bilalli/