Kosovë

Jahjaga: Kosova kërkon njohje nga Egjipti

Në takimin në Mynih me Ministrin e Punëve të Jashtme të Egjiptit, Mohammed Amr, presidentja Atifete Jahjaga e informoi bashkëbiseduesin për progresin që e ka arritur Republika e Kosovës që nga shpallja e pavarësisë së saj.

E diel 5 Shkurt 2012 10:46

Ajo theksoi se shteti i Kosovës është tashmë një realitet ndërkombëtar i pranuar nga 86 vende të botës dhe pavarësia e saj është e pakthyeshme. Ajo theksoi se pavarësia e Kosovës buron nga vullneti i popullit të Kosovës dhe Gjykata Ndërkombëtare e Drejtësisë e ka qartësuar se ajo nuk është në kundërshtim me ligjin ndërkombëtar.

Presidentja Jahjaga në takim me Ministin Amr shtroi edhe kërkesën që shteti i Egjiptit ta njoh Republikën e Kosovës dhe kërkoi përkrahjen e këtij shteti për anëtarësim të Kosovës në Bankën Evropiane për Rindërtim dhe Zhvillim.

Presidenca bën të ditur se Ministri egjiptian Amr nga ana e tij e vlerësoi progresin e arritur në Kosovë dhe theksoi që shteti i Egjiptit po ndjekë me interes zhvillimet në Kosovë dhe është i interesuar që të vendos marrëdhënie të afërta bashkëpunimi ndërmjet dy vendeve.

Ai rikujtoi që Egjipti edhe pse nuk e ka njohur formalisht Republikën e Kosovës, e ka përkrahur anëtarësimin e Kosovës në Bankën Botërore dhe Fondin Monetar Ndërkombëtar./express/

Komentet

Ky artikull eshte komentuar 1 here

Suzana E diel 5 Shkurt 2012 13:55
Po shumë mirë din kjo Presidentja të kërkojë, por të respektojë të drejtën e secilit person, atë nuk e din aspak, sa që shkoi në vendet arabe me fund që nuk mundej ta mbante pa lëviz lart dhe poshtë. E tash kërkon, kërko sa të duash, se nëse nuk respekton edhe nuk do të respektohesh, jo sot por kurr dhe asnjëherë.Duhet ngre duart prej njerëzve që kanë turp të tregojnë përkatësinë dhe religjionin e vet, andaj nuk pres asgjë prej saj, edhe pse në fakt mua nuk më nevojitet ajo se jetoj në tjetër shtet?! Por më dhimbsena ata të tjerët që jetojnë në Kosovë dhe duhet të paguajnë gafat dhe gabimet e saja me të hollat e tyre dhe me të drejtat e tyre....Selamun alejkum

Repliko

Emri:

Komento:

JU KANE MBETUR EDHE 800 KARAKTERE