Rajon dhe Botë

Kanadaja legalizon torturën

E mërkure 8 Shkurt 2012 21:54

Kanadaja ka urdhëruar shërbimet e saj të fshehta që të përdorin torturën si mjet në marrjen në pyetje, nëse mendojnë se kjo praktikë e ndaluar nga konventat ndërkombëtare mund të jetë e efektshme ndaj personave që vendosin në rrezik sigurinë publike. Amnesty International, grupi ndërkombëtar për të drejtat e njeriut, e ka kritikuar ashpër këtë vendim të qeverisë kanadeze.

Ministria e Sigurisë Publike është mbrojtur përballë akuzave të mediave me argumentimin se tortura është pranuar vetëm në raste të jashtëzakonshme dhe se agjentët e kanë rreptësishtë të ndaluar të përdorin këtë praktikë, pa marrë autorizimin përkatës nga instanca më të larta.

Megjithatë, organizatat për mbrojtjen e të drejtave të njeriut e kanë konsideruar urdhrin e brendshëm të dhënë strukturave të CSIS (Canadian Security Intelligence Service), jo vetëm si çnjerëzor, por të padobishëm.

Një grup aktivistësh vuri në dukje se një person i përballur me kushtet e torturave ekstreme, është në gjendje të japë çfarë do informacioni që i kërkohet dhe të pranojë çdo pohim, duke bërë që në fund informacioni i siguruar të jetë i pavërtetë ose në rastin më të mirë, i dyshimtë./kp/