Rajon dhe Botë

Kisha amerikane sfidon kritikat: Do të djegim Kur’anin

Një kishë e vogël amerikane thotë se do shpërfillë dënimin ndërkombëtar dhe do çojë përpara planin për djegien e Kur’anit në përvjetorin e sulmeve të 11 shtatorit.

E mërkure 8 Shtator 2010 12:43

Kryekomandanti i forcave ushtarake amerikane në Afganistan, gjeneral David Petraus paralajmëroi se përfundimi i planit mund të vendoste në rrezik jetët e ushtarëve amerikanë me misione në botë.

Ndërsa Sekretarja amerikane e Shtetit, Hillari Klinton, tha se plani i kishës ishte “fyes dhe i turpshëm”. Vendet myslimane dhe NATO gjithashtu kanë kritikuar veprimin, teksa Prokurori i përgjithshëm i Shteteve të Bashkuara, Eric Holder, e quajti idenë “idiote dhe të rrezikshme”.

Por organizatori, pastori Terri Xhons tha se “ne duhet t’i dërgojmë një mesazh të qartë elementit radikal islam”.

Polemikat vijnë në një kohë që po shqyrtohet marrëdhënia SHBA-islam. Në mbarë vendin janë ndezur debate lidhur me ndërtimin e një qendre kulturore dhe xhamie afër “Ground Zero” në Nju Jork, ku ndodhën atentatet e 11 shtatorit./start/

Komentet

Ky artikull eshte komentuar 1 here

hasan56 E enjte 9 Shtator 2010 18:32
lereni ti djege se leter po djeg e nuk po djeg fene tone bile ai soj shejtani po na tregon se me csoj robesh kemi te bejme Le ta djege se ne ate zjarr do perfundoje

Repliko

Emri:

Komento:

JU KANE MBETUR EDHE 800 KARAKTERE