Rajon dhe Botë

Klinton falenderon Greqinë për rolin në Ballkan

E marte 9 Mars 2010 9:31

Shtetet e Bashkuara kanë shprehur mbështetjen për masat që po merr Greqia për tu përballur me defiçitin e thellë buxhetor. Kryeministri grek, Papandreu, është takuar në Uashington me Sekretaren amerikane të Shtetit, Hillari Klinton.

"E di se këto janë ditë të vështira për Greqinë. Dua t’i shpreh përgëzimet e mia kryeministrit për mënyrën se si iu qas sfidave me të ardhur në detyrë”, tha Klinton. Ajo foli dhe për rolin e Athinës edhe në zhvillimet ballkanike.

“Diskutuam edhe për Ballkanin, ku Greqia ka një rol të rëndësishëm për të luajtur në nxitjen e mundësive ekonomike, stabilitetit dhe demokracisë. Përmbyllja e procesit të integrimit të vendeve të Ballkanit në institucionet euroatlantike është thelbësore për stabilitetin rajonal. Ne e përgëzojmë Greqinë për rolin udhëheqës që ka luajtur në çuarjen përpara të zhvillimeve”, tha Klinton.

Kryeministri grek, Papandreu më herët në Uashington kishte deklaruar se defiçiti buxhetor i Greqisë mund të çojë në një krizë të dytë financiare globale.

Papandreu takohet sot me presidentin Barak Obama./rel/