Kosovë

Krasniqi: Askush nuk mund të fshihet pas imunitetit

E enjte 2 Shkurt 2012 9:46

Imuniteti nuk duhet të jetë pengesë për vënien e drejtësisë. Kështu janë shprehur gjatë ditës Qeveria e Kosovës dhe PDK-ja, duke i kërkuar EULEX-it të bëjë gjithçka për ta vënë në zbatim. Sekretari i përgjithshëm i PDK-së, Jakup Krasniqi, i ka thënë KTV-së se pa dashur të paragjykojë epilogun në rastin Kleçka, pas imunitetit nuk mund të fshihet askush, përfshirë edhe prokurorin në fjalë. Ai nuk mendon se reagimi i PDK-së është një rikthim i mbështetjes për Fatmir Limajn. EULEX-i nuk ka dashur ta komentojë situatën, por mësohet se përgjigjja e misionit evropian për mbrojtjen e Limajt do të mbështetet në një ligj të Kuvendit të Kosovës. Mbrojtja e Fatmir Limajt i ka nisur gjatë ditës kërkesën Kryeprokurorit të EULEX-it që të pezullohet prokurori i rastit Kleçka, Maurizio Salustro, ose ai të thirret si dëshmitar për akuzat që rëndojnë ndaj tij.