Maqedoni

Kriza elektro - energjetike për shkak të Serbisë

Shpallja e krizës elektroenergjetike në Maqedoni ndodhi për shkak se Qeveria e Maqedonisë i ka siguruar Serbisë energji elektrike, informon agjencia e lajmeve INA.

E marte 14 Shkurt 2012 11:31

Lajmi bëhet i ditur nga mediat serbe, të cilët sot kanë shkruar se Maqedonia nga shkaku i sigurimit të energjisë për Serbinë ka mbetur pa energji elektrike.

Sipas gazetës Telegraf, sekretari shtetëror serb i energjetikës, Dushan Mrakiq ka zbardhur faktin se Serbia ka arritur që të sigurojë energji elektrike nga Maqedonia, me ç`rast me këtë siç thuhet ka "nokautuar rrjetin elektroenergjetik të Maqedonisë".

Nga kjo situatë e krijuar, Qeveria e Maqedonisë dy ditë më parë ka qenë e detyruar të shpallën gjendjen e krizës energjetike. Qeveria përmes thirrjes publike njoftoi për planin e krizës, për nevojën e kursimeve dhe masat e tjera për të përballur krizën. (INA)