Maqedoni

Kryeministri belg Leterm në Shkup

E hëne 8 Mars 2010 10:18

Çështja e valës së azilkërkuesve nga Maqedonia pritet të jetë kulmi i agjendës së kryeministrit belg Iv Leterm në takimet me autoritetet maqedonase. Bashkë me Letermin, në Shkup do të mbërrijë edhe ministri për azil, Melkior Vatle, i cili personalisht do të niset drejt fshatrave të rajonit të Karadakut të Kumanovës për t`u takuar me popullatën lokale.

Vatle javën e kaluar për “Deutsche Welle” deklaroi se shtetasit e Maqedonisë që kërkuan azil në Belgjikë janë manipuluar për shkak të informatave të rrejshme që i kanë marrë rreth rregullimit të qëndrimit të tyre në Belgjikë. Javën e kaluar në Shkup takim e tij të parë e mbajti edhe Komiteti për ndjekjen e situatave të lidhura me kërkesat për azil. Në të u konstatua se trendi i largimit për në Belgjikë me bazë kërkimin e azilit është zvogëluar. U kontraktua që të zbatohet një fushatë masive informative dhe të organizohen tribuna lidhur me udhëtimin e lirë në kuadër të vendeve të Shengenit dhe pasojat dhe rreziqet e dëmshme nga kërkimi eventual i azilit. /makfaks/