Teknologji

Kujdes nga interneti, ju dëmton trurin e ju largon kujtesën

Nicholas Carr: "Google po na budalleps".

E diel 28 Mars 2010 15:35

Uashington – Mos u besoni verbërisht internetit dhe teknologjive digjitale, pasi ato vërtet ofrojnë mundësi të shumta për qasje në informata të reja, por kanë një kosto sociale dhe kulturore tepër të lartë, madje ato ndikojnë negativisht nëse teprohet, edhe në shëndetin tonë.

Lajmi publikohet në një studim të fundit, sipas të cilit, interneti transformon edhe mënyrën se si ne analizojmë gjërat dhe mekanizmat e të mësuarit.

Sipas këtij studimi, vërtet kemi fituar shumë me leximin në internet, por në të njëjtën kohë kemi humbur thellë sepse nuk kemi kohë për të reflektuar dhe të pushosh për të zhvilluar një analizë të plotë po bëhet një gjë e panatyrshme.

Nicholas Carr është një studiues i cili e ka shprehur hapur urrejtjen e tij ndaj industrisë së teknologjive digjitale, që u bë i njohur dy vjet më parë me essenë e tij, botuar nga revista "Atlantik" me titullin provokues "Google po na budalleps".

Ai thotë sesi “shkolla duhet t’u mësojë të rinjve përdorimin me mençuri të teknologjive të reja” dhe jo t’u rekomandohen materialet vetëm në internet. /NoA/