Sport

Liga e kampionëve: Interi më i mirë se Chelsea

Interi i Jose Mourinhos arriti të fitojë ndeshjen e parë të së tetës së finales së Ligës së Kampionëve kundër ekipit anglez Chelsea.

E enjte 25 Shkurt 2010 11:07

Nbë një lojë mjaf të bukur dhe dramatike, i pari erdhi në epërsi Interi. Që në minutën e 3-të shënoi argjentinasi Diego Milito dhe me këtë rezultat u përmbyll pjesa e parë. Në gjysmëlojën e dytë, ishte Chelsea ai që barazoi me golin e Kalous në minutën 51, por vetëm katër minuta më vonë, Cambiasso solli sërish në epërsi ekipin milanez dhe ky ishte rezultati përfundimtar i ndeshjes. Natyrisht, kjo fitore minimale dhe një gol i pranuar si vendës nuk i mjafton Inteit në ndeshjen e revanshit pas tre javësh, pasi edhe një fitore minimale 1-0 e Chelseat në Londër do ta eliminonte Interin nga gara e mëtejshme për trofeun më prestigjioz evropian në futboll.

Në ndeshjen tjetër të luajtur në Moskë, ekipi vendës CSKA dhe ai spanjoll Sevilla luajtën baras 1-1. Për Sevillan shënoi Negredo në minutën 25, kurse në minutën 66 barazoi Gonzalez dhe kësisoj ruajti sado kudo shpresën e ekipit rus për kualifikim në të katërtën e finales së Ligës së kampionëve./koha/