Shkencë

Më 15 janar, eklipsi më i gjatë i mijëvjeçarit

E mërkure 13 Janar 2010 15:13

Eklipsi më i gjate i mijëvjeçarit të tretë i Hënës do të ndodhë ditën e premte më 15 janar dhe do të zgjasë plot 11 minuta e 8 sekonda.

Ky eklips do të shfaqet i plotë në gjithë Oqeanin Indian dhe sipas ekspertëve, për të gjetur një eklips më të gjatë, njerëzimi duhet të presë vitin e largët 3043. Për fat të keq, ky nuk do të jetë një eklips total pasi Hëna nuk do të errësojë plotësisht Diellin dhe duke u parë nga Toka, Hëna do të duket pak më e vogël se ylli jonë.

E veçanta e këtij eklipsi është se Hëna do të ndjekë për një kohë më të gjatë trajektoren e Diellit dhe mbi të gjitha do të kalojë në mes si një unazë zjarri rreth një rrethi të zi. Në vendin tonë por edhe më gjerë në gjithë rajonin tonë, për fat të keq ky eklips do të jetë gati i padukshëm. Vendi nga ku mund të shihet më mirë eklipsi do të jenë Maldivet dhe në veçanti kryeqyteti Male ku unaza e zjarrit përreth Hënës do të zgjasë 10 minuta e 45 sekonda.

Këtë fenomen do ta shijojnë edhe India e Sri Lanka, ndërsa më pas do të udhëtojë edhe në Uganda, Kenia, Somali, Myanmar etj. Në 3 orë e 45 minuta, eklipsi do të përshkojë rreth 12.900 km. Ky do të jete eklipsi i 141-të i ciklit të Sarosit, i cili nisi më 19 maj të vitit 1613 dhe që do të përfundojë më 13 qershor 2857.