Kosovë

MFSK e konsideron të tejkaluar mosmarrëveshjen me KFOR-in

MFSK çmon bashkëpunimin me KFOR-in dhe NATO-n si të domosdoshëm për paqen dhe stabilitetin në Kosovë dhe rajon.

E hëne 8 Mars 2010 19:18

Ministria e Forcës së Sigurisë së Kosovës çmon bashkëpunimin me KFOR-in dhe NATO-n si të domosdoshëm për paqen dhe stabilitetin në Kosovë dhe rajon, thuhet në një deklaratë të kësaj ministrie, që para pak çastesh iu shpërnda medieve me rrugë elektronike.

Ministria e Forcës së Sigurisë së Kosovës ka bashkëpunim të shkëlqyeshëm me KFOR-in dhe NATO-n në ngritjen e kapaciteteve të Forcës së Sigurisë së Kosovës në përputhje të plotë me kriteret e NATO-s dhe me ndihmën dhe nën mbikëqyrjen e mekanizmave të theksuar më lartë, thuhet në vazhdim të deklaratës.

Çështjen e diskutuar në lidhje me pjesëmarrjen legjitime të Gardës së FSK-së në manifestimin e Epopesë së UÇK-së tanimë e vlerësojmë të tejkaluar.

Ministria e Forcës së Sigurisë së Kosovës dhe Forca e Sigurisë së Kosovës do të vazhdojnë bashkëpunimin e ngushtë me KFOR-in dhe NATO-n dhe do të kryejnë detyrat e veta në përputhje me Kushtetutën, ligjet e Kosovës dhe Propozimin Gjithëpërfshirës për Statusin e Kosovës, përfundon deklarata.

Komentet

Ky artikull eshte komentuar 1 here

LLAPI E marte 9 Mars 2010 10:13
USHTRI E K... KTA QE E KAN NENSHKRUE PAKON E KAN DITE DHE E DIN QE NUK ESHTE USHTRI POR PUNETOR ME KACIA.

Repliko

Emri:

Komento:

JU KANE MBETUR EDHE 800 KARAKTERE