Maqedoni

Milloshoski në takim të ministrave të punëve të jashtme të BE-së

E premte 5 Mars 2010 9:21

Ministri i Punëve të Jashtme i Maqedonisë, Antonio Milloshoski sot dhe nesër do të marrë pjesë në mbledhjen joformale të shefave të diplomacive të vendeve-anëtare të Bashkimit Evropian, të ashtuquajtur Gimnih (Gymnich), i cili mbahet në kuadër të presidencës spanjolle me BE-në në Kordoba.

Shefat e diplomacive të vendeve-kandidate për anëtarësim në BE marrin pjesë tradicionalisht në sesionin përfundimtar të mbledhjes joformale, në formë të drekës së punës, në të cilën shqyrtohen çështjet aktuale politike të jashtme.

Gjatë drekës së punës do të diskutohet për gjendjet në rajonin e Ballkanit Perëndimor. si përgatitje për mbledhjen e nivelit të lartë të Ballkanit Perëndimor, i cili është paraparë të mbahet nga fundi i majit ose fillimi i qershorit në Sarajevë, në organizim të presidencës spanjolle. Me këtë rast, theks i veçantë do të vendoset në situatën në Kosovë dhe Bosnjë e Hercegovinë.

Në mbledhje do të marrë pjesë edhe përfaqësuesja e lartë për politikë të jashtme deh siguri e BE-së dhe kryetare e Komisionit Evropian, Ketrin Eshton.

Në margjinat e mbledhjes është planifikuar që ministri Milloshoski të ketë takime dypalëshe me kolegë nga më shumë vende. /mia/