Shqipëri

Nano është i domosdoshëm në PS

Ish-deputeti i Partisë Socialiste (PS), Elmaz Sherifi akuzon se për shkak të mediokritetit të kryetarit Edi Rama, kjo parti ka shënuar dhe do të shënojë dështime të njëpasnjëshme në të gjitha sfidat elektorale për të majtën.

E marte 31 Gusht 2010 17:04

Në një intervistë për gazetën “Koha Jone”, Sherifi ka bërë një skaner të gjitha dështimeve të PS nën drejtimin e Ramës. Njëherësh atakon dhe strategjinë e dështuar që po ndjek ai përballë pozitës dhe kryetarit të saj, Sali Berisha.

Pasi është shprehur kundër grevës, kundër protestave në shtator, ai nuk mungon të shprehë hapur mendimin se Nano është i domosdoshëm në PS, ndërkohë që përçarja do të shënojë disfatën e radhës.

“Unë kam qenë dhe vazhdoj të jem kundër frymës për ta trajtuar Nanon si përfaqësues të politikes së vjetër, në kohen kur ish-bashkëpunëtorët e tij për 15 vjet, janë sot udhëheqës në PS, bashke me kryetarin e ri. Nano implementoi modelin perëndimor të të bërit politikë. Ai është i vetmi politikan në Shqipëri që dha dorëheqjen pasi humbi zgjedhjet”. /Telegrafi/