Rajon dhe Botë

Ndërroi jetë Shejhu i Ez`herit, Muhamed Tantavi

E mërkure 10 Mars 2010 22:48

 

Televizionet egjiptiane lajmëruan se sot ka ndërruar jetë Shejhu i Universitetit të Ez`herit, Dr. Muhamed Sejjid Tantavi, në moshën 82 vjeçare.

Dijetari Tantavi gjendej në aeroportin “Mbreti Halid” në Rijad, ku papritmas kishte pësuar një sulm në zemër. Ai menjëherë ishte transferuar në spitalin e Forcave Ushtarake në Rijad, ku dhe kishte ndërruar jetë. Në kohën e sulmit, dijetari Tantavi ishte duke pritur aeroplanin për tu kthyer në Kajro.

Shejh Tantavi kishte arritur në Mbretërinë e Arabisë Saudite për të prezantuar në solemnitetin e dhënies së çmimit të “Mbretit Fejsal”, ku njëri prej tyre ishte edhe kryeministri turk, Erdogan.

Shejh Tantavi ishte i sëmurë nga zemra, vuante nga diabeti dhe në vitin 2008 kishte kaluar edhe një infeksion në njërën këmbë.

Djali i Shjeh Tantavit ka njoftuar se babai i tij do të varroset në varrezat e Bekiut në Medinen e Shenjtë.

Shejh Muhamed Tantavi u lind më 1928, më 1966 doktoroi në Hadith dhe Tefsir. Punoi si profesor në Fakultetin e “Usuli dinit”, pastaj u transferua në Libi për katër vite për mësimdhënie, ndërsa më vonë punoi në Univerzitetin Islamik në Medine si dekan i studimeve post-diplomike. U caktua Mufti në vitin 1986, ndërsa Shejh i Ez`herit në vitin 1996.

Si dijetarë të mundshëm që mund ta zënë vendin e tij, janë: Dr. Ali Xhuma, myftiu aktual i Egjiptit, Dr. Ahmet Tajib, kryetar i Universitetit të Ez`herit dhe Dr. Ahmet Omer Hashim, ish-drejtor i Universitetit të Ez`herit