Rajon dhe Botë

Nesër nis ekshumimi i varrit në Bardh të Madh

E hëne 30 Gusht 2010 17:08

Kryesuesi i Komisionit për Persona të Zhdukur, pranë Qeverisë së Serbisë, Velko Odaloviq tha se ekshumimi në minierën e Bardhit të Madh do të nisë nesër (të martën). Në atë hapësirë, siç thuhet, gjendet trupat e pajetë të 25 serbëve, në mesin të cilëve 9 janë minatorë, të vrarë në vitin 1998, raporton agjencia serbe e lajmeve, “Tanjug”.

"Do të jemi në Bardh të Madh të martën në ora 11 të mëngjesit për të nisur punën për ekshumim”, tha Odaloviq në një intervistë dhënë agjencisë “Tanjug” në Ditën Ndërkombëtare të Personave të Pagjetur.

Përpjekja e parë për ekshumimin e trupave në Bardh të Madh në vitin 2008 u anulua për shkak të një rrëshqitje të madhe dheu, para se të arrihej në thellësinë ku besohet se janë të varrosur trupat e pajetë.