Maqedoni

Nimic sot negociata në Athinë për emrin

E mërkure 22 Shkurt 2012 13:20

Ndërmjetësi i OKB-së për kontestin e emrit, Metju Nimic sot në Athinë do të bisedojë me kreun shtetëror grek lidhur me gjetjen e modaliteteve për procesin e zgjidhjes së emrit.

Nimic po qëndron në Athinë pas vizitës së tij në Shkup. Ai do të takohet me kryeministrin grek Lukas Papadimos dhe shefin e diplomacisë, Stavros Dhimas.

Mediat greke raportojnë sot se para takimit me Nimic, kryeministri grek Papadhimos do të ketë takim konsultues me ministrin e jashtëm Dhimas, ku do të jetë i pranishëm edhe ish-kryeministri dhe lideri aktual i PASOK-ut, Jorgos Papandreu.

Nimic para udhëtimit në Athinë në një konferencë me gazetarët deklaroi se nuk sjellë propozime të reja gjatë kësaj vizite, por ka për qëllim që të gjejë mënyrë për shpejtimin e negociatave për zgjidhjen sa më të shpejt të kontestit të emrit. (INA)