Shëndetësi

Një banane në ditë, më pak vizita mjekut

E enjte 13 Tetor 2011 20:48

Ankthi po ashtu mund të trajtohet me këtë pemë, sepse banania përmban triptofan i cili ka madje edhe efekt sedativ.

Bananen duhet ta inkuadroni në ushqimin e përditshëm me pemët tjera, sepse në këtë mënyrë në mënyrë preventive do të ndikojë në degjenerimin makular dhe të mbrojë sytë dhe është ruajtëse e mirë e eshtrave, si dhe e nyjave. Po ashtu, nëse personi e tepron me pijen dhe vuan nga mamurllëku mjafton që të përgatisë një milkshake ushqyes me banane dhe pak mjaltë, dhe të gjitha funksionet e organizmit i këndellen më shpejt.

Bananet kanë edhe mundësinë për të qetësuar stomakun e trazuar dhe që brendësinë e stomakut ta mbrojnë nga dëmtimet, para së gjithash nga i thati.

Kombinimi i bananes dhe i qumështit dihet që zvogëlon tajitjen e acidit të stomakut, ashtu që vetë kombinimi i materies së bananes stimulon qelizat në muret e stomakut për të krijuar shtresë më të trashë mbrojtëse rreth brendësisë së stomakut.

Një banane e vetme me madhësi mesatare ka rreth 450 gramë kalium, çka do të thotë që na mbron nga arteroskleroza e enëve të gjakut dhe sëmundjet e muskulit të zemrës dhe njëlloj kështu përmban edhe vitamina C, fibra dietale dhe mangan, ndërsa vitaminë B6 ka aq sa për të përmbushur rreth 35 për qind të nevojave ditore të organizmit. /koha/