Maqedoni

Njollë e naftës në Liqenin e Ohrit

E hëne 20 Shkurt 2012 9:06

Janë alarmuar organet dhe inspektoratet kompetente për paraqitjen e një njolle të naftës, që është vërejtur në sipërfaen e ujit në Liqenin e Ohrit në orët e pasditës, në pjesën ndërmjet portit të vjetër dhe portit actual, në qendër të qytetit.

Personat e autorizuar nga inspektoratet dhe nga Qednra për shëndetin public, kanë dalë në vendin e ngjarjes dhe janë marë mustra për analiza, rezultatet e të cilave do të bëhen të ditura gjatë ditëve të ardhshme, bashkë me ndotësin, ndaj të cilit do të ngrejnë procedurë konform rregullativës ligjore- ku parashihet shqiptimi i dënimit deri në dy mijë euro.

Një ndotje e ngjashme është evidentur gjatë muajit prill të vitit të kaluar, kur poashtu është paraqitur një njollë e madhe e naftës.

Duke iu referuar ngjarjes së vitit të kaluar, kur kompetentët paralajmëruan identifikimin e ndotësit dhe marrjen e masave ndëshkimore, dënimit të ndotësit, deri më tani nuk ka rezultate nga analizat dhe zbardhja e rastit.

Kësaj here, kompetentët premtojnë se rezultatet e analizave do të dihen brënda dy ditëve të fillimit të javës.(M.Latifi/INA)