Bota Jonë

OKI mirëpret raportin e SHBA-ve për liritë e fesë

Sekretari i Përgjithshëm i Organizatës së Konferencës Islamike Ekmeleddin Ihsanollu, ka bërë të ditur se raporti që shpalli Sekretarja Amerikane e Shtetit Hilari Klinton në lidhje me liritë e fesë është pritur me kënaqësi.

E premte 19 Nëntore 2010 22:52

Sekretari i Përgjithshëm i Organizatës së Konferencës Islamike, Ihsanollu, është shprehur se raporti në lidhje me liritë e fesë është vlerësuar në kontekstin e të drejtave themelore të njeriut dhe kjo është pritur pozitivisht.

Ekmeleddin Ihsanollu u shpreh se ai e mbështet deklaratën e Klintonit e cila dha disa shembuj të mungesës së tolerancës nëpër botë me fjalët: "Disa vende të Bashkimit Evropian kanë bërë kufizime të ashpra në shprehjen e lirë të besimit fetar".

Ihsanolu tha se për marrjen e masave konkrete kundër ksenofobizmit në rritje nëpër vendet perëndimore, vendet e Organizatës së Konferencës Islamike janë duke zhvilluar punime të afërta me anëtaret e Bashkimit Evropian dhe të Kombeve të Bashkuara./trt/