Shqipëri

PD: Rama përpiqet të fsheh aferat korruptive

Partia Demokratike, nëpërmjet deputetes Arenca Troshani, akuzoi sot kryesocialistin Edi Rama se u përpoq të fshihte dje aferat korruptive, ku sipas saj, vetëm prej një investitori do të fitonte 100 milion euro.

E shtune 4 Shtator 2010 15:22

“Në takimin e djeshëm me gazetarët, Edi Rama nuk dha shpjegime për kontratat që bën me Dritan Avllajn. Edi Rama nuk iu përgjigj pyetjeve të gazetarëve dhe as ftesës për debat të deputetes Albana Vokshi. Ai nuk guxoi të shpjegojë për aferën mafioze të qytezës tek liqeni. Ai gënjeu dhe nuk tregoi për kërkesën me firmën e tij për ndryshimet e destinacionit tek liqenit kundrejt 20 për qind", deklaroi Troshani në një konferencë për shtyp.

Kryetari i Partisë Socialiste, sipas deputetëve të maxhorancës, akuzohet nga ndërtuesit për marrjen e 20 për qind të vlerës së ndërtimit për dhënien e një leje në Tiranë./start/