Ekonomi

Policia: Shmangni përdorimin e veturave

 Për shkak   të reshurave të borës dhe temperaturave të ulëta qarkullimi i komunikacionit rrugore është vështirësuar përgjithësisht  në  të gjitha rrugët e vendit .

Sipas informatave të policisë, sot të gjitha rrugët magjistrale dhe rajonale dhe rrugët kryesore të qyteteve janë të kalueshme, por qarkullimi në to po zhvillohet me vështirësi për  shkak të  borës së madhe dhe  akullit.

 Si pasoj e kushteve atmosferike  janë bllokuar rruga  Pejë  - Rozhajë, rruga që shpie për  në Rugovë, rruga që shpie për ,ë piken kufitare 4  në Mutivodë dhe rrugët në disa fshatra të zonës së Shalës së Bajgorës.

 Policia e Kosovës  është  e angazhuar maksimalisht për  menaxhimin e situatës se sigurisë në komunikacionin rrugor, por edhe për të asistuar institucioneve tjera qe janë të angazhuar në menaxhimin e kësaj situate.

Duke ditur qe kushtet atmosferike ndikojnë në shkaktimin e aksidenteve në komunikacion  dhe në këto aksidente rrezikohet direkt jeta e qytetareve ne rruge , Policia e Kosovës apelon tek të gjithë qytetaret qe të shmangin përdorimin e  veturave dhe domosdoshmërish  t’i  përdorin pajisjet dimërore, siç parasheh Ligji për siguri në komunikacionin rrugore.

Policia e Kosovës apelon tek të gjithë vozitësit  qe të vozisin konform rregullave të komunikacionit dhe t’ia  përshtatin vozitjen gjendjes së rrugëve /Koha/

•  
•