Vitrina e librit

Pozita kushtetuese-juridike dhe faktike e bashkësive fetare në ish-Jugosllavi me vështrim të posaçëm të Bashkësisë Islame

E mërkure 10 Gusht 2011 14:36

Shkruan: Mexhid YVEJSI

Titulli i librit: Pozita kushtetuese-juridike dhe faktike e bashkësive fetare në ish-Jugosllavi me vështrim të posaçëm të Bashkësisë Islame

Autori: Mr.sc.Menduh BAMJA

Boton: Sh.K. « KUR’ANI » Kosovë

Për botuesin: Dr. Muhamed B. SALEHI

Redaktor gjuhësor: Mexhid YVEJSI

Redaktor: Dr.Sebajdin SMANI

Recensentë: Prof.dr. Kurtesh SALIHU

Prof.dr. Zejnullah GRUDA

Përgatiti për botim: Mexhid YVEJSI

Vendi dhe viti i botimit: Prizren, 2011

Tirazhi: 1000 copë

“POZITA KUSHTETUESE-JURIDIKE DHE FAKTIKE E BASHKËSIVE FETARE NË ISH-JUGOSLLAVI ME VËSHTRIM TË POSAÇËM TË BASHKËSISË ISLAME” , ky është titulli i librit shkruar nga Mr.sc.Menduh BAMJA.

Ky libër, i cili ka 439 faqet, të cilin e boton Shoqata Kulturore “Kur’ani” në Prizren, Kosovë, është rezultat i hulumtimeve shumëvjeçare të autorit Mr.sc Menduh Bamja, dhe në të vërtetë, ky libër paraqet disertacionin e doktorates, të cilin autori, nuk arrijti ta mbrojë për shkak të sëmundjes së papritur vdekjeprurëse.

Në tërë librin e tij, Mr.sc. Menduh Bamja, si njeri paqëdashës, besimtar, ashik i Ehli Bejtit, i qëndroi besnik të vërtetës dhe me devotshmëri u kujdes për drejtësi, për çështjen kombëtare dhe fetare…

Kush është Mr.sc. Menduh Bamja?

Mr.sc. Menduh Bamja lindi më 26 mars 1952 në Prizren, ku kreu shkollën fillore dhe të mesmen (Gjimnazin). Diplomoi në Fakultetin Juridik në Prishtinë më 1979.

Magjistroi me 19 korrik 2002 me temën: „Liria e ushtrimit të besimit në sistemin kushtetues-juridik të ish-R.S.F.J.“

Ka shërbye si sekretar në Qendrën Shkollore „N.Tereze“ në Prizren, sekretar i Sh.L.P. „Xhevdet Doda“, Prizren, ka qenë zëvendës i Avokatit Publik të Komunës së Prizrenit etj.

Përveç këtyre shërbimeve, që i kreu me ndershmëri, Mr.sc. Menduh Bamja është marrë edhe me studime, krijimtari... Ka botuar dhjetra shkrime nëpër revista të ndryshme në trojet shqiptare, prej të cilave po i veçojmë këto:

„Mësimi fetar në shkollat publike në Evropë” botuar në revistën „Dituria Islame“ Nr.156-157, Prishtinë, 2003.

„Idea e tolerancës fetare dhe ndikimi në shoqëri”., botuar në revistën „Edukata Islame“, Nr.74, Prishtinë, 2004

„Sufizmi-mistika islame, botuar në revistën „Perla“, Nr. 1, Tiranë, 2005

« Mevlana-Poet i Dashurisë », revista « Perla », Nr.4 (47), Tiranë, 2007, etj. etj.

Ky libër, të cilin e boton Shoqata Kulturore “Kur’ani” Kosovë, është rezultat i hulumtimeve shumëvjeçare të autorit Mr.sc Menduh Bamja, dhe në të vërtetë, ky libër paraqet disertacionin e doktorates, të cilin autori, nuk arrijti ta mbrojë për shkak të sëmundjes së papritur vdekjeprurëse. Ndrroi jetë me 18 prill 2008, në Prizren, në moshën 56 vjeçare, por la gjurmë në kulturën islame-shqiptare

Në Pallatin e Paqes në Hagë qëndron ky shkrim: “Nëse e do paqen, kujdesu për drejtësi.”

Ky është libri i parë i tij, libër i cili do të mbetet në histori si një instrument i fuqishëm i shpërndarjes së njohurive dhe mjeti më efikas për të siguruar ruajtjen e këtyre njohurive, për çështjet fetare dhe kombëtare...