Kulturë

Promovohet në Shkodër vepra e plotë e Imam Vehbi ISMAILIT

E hëne 31 Maj 2010 9:34

 

Aktivitetin e hapi Haxhi Faik Hoxha (Myfti nderi i Shkodrës), i cili vlerësoi punën e bëre nga Imam Vehbi ISMAILI. Ai solli pjesë nga jeta e tij me Imamin e njohur, që e kishte njohur personalisht e familjarisht.

Ndërsa studiuesi Prof. Nexhat Ibrahimi duke falënderuar për këtë organizim, mes të tjerash u ndal në punën e Imam ISMAILIT në vite, duke cituar: “... Imam ISMAILI është personaliteti i rrallë porsi është i rallë uji në shkretëtië”...

Aktivitetin e përshëndeti edhe përfaqësuesi i Shtëpisë Botuese ‘Logos-A’, z. Afrim Gashi, i cili pasi përshëndeti të pranishmit dhe falënderoi për mikpritjen, theksoi rëndësinë e veprave të Imam Ismailit dhe mesazhin e lartë që përçojnë ato...

Më pas, fjalën e mori drejtori i OIR-it z. Mirsad Sylja, duke përshëndetur të pranishmit dhe uruar mirë se ardhjen. Ai u ndal në vlerësimin e figurës së Imam Vehbi ISMAILIT, figurë qytetare shumë dimensionale, veçanërisht në dashurinë e tij ndaj Shkodërloces. Ndër të tjera, ai përmendi një fjalë që Imami e kolosi shkodran e shqiptonte vazhdimisht: “Nuk dij a’ kam ba’ sa duhet për shqiptarët e mi”! Ai shtoi më tej: Imam Vehbiu vazhdimisht gjente vend në gojën e tij te ëmbël për të tilla fjalë duke dëshmuar se ishte shumë i dashuruar e ndiente mall për vendlindjen e tij, për Shqipërinë dhe veçanërisht Shkodërlocen... Vepra që ne promovojmë sot, është një dëshmi, se ai nuk është lënë në pluhurin e harresës...

Më pas referoi Toelogu Altin Loshi, i cili mbajti referatin e radhës që ishte si antitezën mbi realitetin e sotëm te leximit e të vlerës së tij.

Imam Vehbi ISMAILI është personaliteti i shkencës Islame e autori i mbi 30 veprave. Kryetar i komunitetit Musliman në Mechigan, në USA. Jeta e tij është e mbushur me vepra për fenë e vendlindjen, atdheun e tij të cilin gati prej 6-të dekadash e ka dëshiruar dhe që, vazhdimisht nga larg ndjente mallin e tij. Imam Ismaili u lind në Shkodër, më 28 nëntor 1919, në një familje intelektuale, qytetare Shkodrane. Ai ndërroi jetë në Nëntor të 2008-ës.

Aktiviteti u mbyll me shumë mirënjohje e entuziazëm nga të pranishmit, për të cilët u shtrua edhe një kokteil, po ne ambientet e Grand Hotel Europa.

OIR-ri gjendet çdo herë afër këtyre kolosëve te mendimit e të dijes dhe, do të vazhdojë këtë rrugë që ti gjendet sa më afër shoqërisë që ne jetojmë. Sidomos rinisë, nën moton: Për një rini më aktive....

Kronisti OIR: Zaim LAKTI

Shkodër, më 29.05.2010