Shqipëri

PS shpërndan deputetët në komisionet parlamentare

E premte 5 Mars 2010 9:34

 

Lista është publikuar dje, pas vendimit të marrë gjatë mbledhjes së grupit parlamentar të kësaj partie.

Të gjithë deputetët e “vjetër”, ata që kanë qenë pjesë e Kuvendit edhe në legjislaturën e shkuar, nuk janë ndryshuar nga ku ishin më parë, përveç Kastriot Islamit, i cili është transferuar tek Komisioni i Medies dhe Edukimit, ku më parë ishte tek komisioni i Jashtëm. Kështu, në Komisionin e Ligjeve, më i rëndësishmi në Kuvend, bëjnë pjesë: Arben Isaraj, Armando Subashi, Vasilika Hysi, Bashkim Fino, Fatmir Xhafaj, Pandeli Majko, Damian Gjiknuri, Shegush Ligori, Dashamir Peza, Ermonela Felaj, Saimir Tahiri, Tom Doshi.

Të gjithë këta deputetë janë me profesion jurist. Komisioni i Ekonomisë është i përbërë, përveç deputetëve të maxhorancës edhe nga deputetët e opozitës, si Mimi Kodheli, Rudina Seseri, Albert Caci, Andis Harasani, Arben Ahmetaj, Arben Malaj, Erjon Braçe, Ervin Koçi, Gjovalin Kadeli, dhe Ilir Bejtja.

Në Komisionin e Politikës së Jashtme, janë përfshirë deputetët Ilir Gjoni, Arta Dade, Olta Xhaçka dhe Qemal Minxhozi.

Në Komisionin për Integrimin Evropian bëjnë pjesë Ditmir Bushati, Ermelinda Meksi, Taulant Balla dhe Gramoz Ruçi. Deputetët Çuko, Armando Prenga, Asllan Dogjani, Ben Blushi, Gazmend Bizhga, Pirro Lutaj, Skender Hasaj, Xhemal Qefalia, janë pjesë e komisionit të Sigurisë Kombëtare./start/